Barnehage og SFO

Barnehagesatsane er regulert etter Forskrift om foreldrebetaling i barnehagar. Eigenbetaling for barnehagen fylgjer maksimalsatsen vedteke av Stortinget. Frå 01.08.2024 er maksimalgrensa for foreldrebetaling sett til kr 1 500,- per månad. 

Det er to ulike moderasjonsordningar i barnehagen, båe avhengig av foreldra si samla brutto inntekt:

•  Moderasjonsordning der foreldrebetaling for ein barnehageplass maksimalt skal utgjere 6 % av familien si samla person- og kapitalinntekt. Dette blir rekna ut individuelt. Moderasjonsordningar, avhengig av foreldra si samla brutto inntekt, blir innvilga etter søknad. Betalingssatsen vil av denne årsak vere ulike for kvar og ein.
• Ordning med gratis kjernetid på 20 timar/veka for 2-, 3-, 4- og 5-åringar i familiar med brutto inntekt mindre enn kr 642 700,-.

Eigenbetaling for SFO er kr 35,- pr. time i skuleåret. Maksimal pris i heile skulen sin sommarferie kr 3 000,-. 

Moderasjonsordningar, avhengig av foreldra si samla brutto inntekt, innvilgast etter søknad:

• Moderasjonsordning der foreldrebetaling for ein barnehageplass/SFO-plass maksimalt skal utgjere 6 % av familien sin samla hushald, dersom: 
• a) maksimalgrensa for foreldrebetaling for eit år utgjer meir enn seks prosent av hushaldet si inntekt det siste året eller, 
• b) det er ein varig nedgang i inntektene til hushaldet inneverande år som gjer at foreldrebetalinga for eit år utgjer meir enn 6 % av hushaldet si inntekt.
• 12 timar gratis SFO for elevar i 1., 2. og 3. klasse.
• Gratis SFO for elevar med særskilde behov på 5. til 7. trinn.

Syskenmoderasjon med 30 % reduksjon for andre barnet og 100 % reduksjon for tredje og påfølgjande barn. Gjeld både barn i barnehage og SFO.