Konsesjon og buplikt - landbrukseigedom

Tenesteomtale

• Hovudregelen er at du kan ta over ein eigedom som ikkje er større enn 100 dekar og ikkje meir enn 35 dekar dyrka jord utan å søkje om konsesjon.
• Ei tomt som er lagd ut til bustad- eller fritidsformål er også som regel friteken frå konsesjonsplikt. Dei fleste typar leilegheiter er også konsesjonsfrie.
• Ubebygd areal som ikkje skal brukast til landbruk
• Overtaking av eigedom frå nær familie
• Når du som tek over eigedommen har odelsrett. Men då har eigedommen buplikt.

Målgruppe

Kriterium/vilkår

• at den avtalte prisen er innanfor ei samfunnsmessig forsvarleg prisutvikling
• omsynet til busetjinga i området
• at overtakinga tek vare på ei driftsmessig god løysing
• at den som tek over blir rekna som skikka til å drive eigedommen
• at overtakinga tek vare på omsynet til heilskapleg ressursforvaltning og kulturlandskapet

Pris for tenesta

Du må betale eit gebyr for handsaminga av søknader om konsesjon.

Samarbeidspartnarar

Rettleiing - korleis få utført

Du må bruke skjema frå Landbruksdirektoratet når du skal søkje om konsesjon. Skjemaet sender du til den kommunen som eigedommen ligg i.

Skjema

Vedlegg

Kopiar av heimelsdokumentet (skøyte), kontrakt og takst skal leggjast ved dersom slike dokument finst.

Søknadsfrist

Fire veker etter at avtalen blei gjort eller du fekk råderett over eigedommen.

Saksbehandling

Kommunen skal innhente dei opplysningane som er nødvendige for å avgjere saka. Det kan vere nødvendig med synfaring og oppmåling av eigedommen. Deretter blir det gjort eit vedtak. Til vanleg får du ei grunngjeving samstundes med vedtaket. Du får alltid ei grunngjeving viss ein kan tenkje seg at du blir misnøgd med vedtaket. Viss grunngjevinga ikkje følgjer med, kan du få ho ved å vende deg til kommunen innan klagefristen for vedtakets går ut.

Saksbehandlingstid

Kommunen skal behandle saka så snart som mogleg. Viss saka ikkje kan avgjerast innan éin månad, skal du ha skriftleg melding om grunnen til det. Du skal samstundes få opplyst når det er venta at vedtaket blir fatta.

Klagemulighet

Både du og andre med rettsleg klageinteresse kan klage viss du eller de er misnøgde med vedtaket. Fristen er tre veker frå du tok imot vedtaket. Forklar kva du er misnøgd med og kvifor du meiner vedtaket bør endrast. Viss du treng rettleiing, kan du vende deg til kommunen. Lèt kommunen avgjerda stå, blir saka sendt vidare til statsforvaltaren, som avgjer om klaga skal takast til følgje.